Rojekê li bazarê hinik ordek(werdek) dit û pir kêf a wî jê  ordekara ra hat û kirî. Bir qesra xwe û bang Hemed kir, got;li van ordekana bineri û xwedî biki û ji esilê wan agahîyê bide min. Hemed ordek xwedî kir demik çû, padîşêh bangî Hemed kir, got;Hemed ev ordekana çawani? Hemed got;esil çibe, nesil ew e. Padîşêh got hemed di esil wan de çi heyi? Hemed got padîşahê min di esilê wande mirîşktî heyî. Padîşah radibi lekolînê çêdike û xwedîyê ordeka dibîni, dibêji di esilê ordeka da çi heyî? Merik dibêji Wellehî Padîşahê min tiştik tuneyî lê belê dema ew hekbûn makîya wan mir, min jî kir bin mirîşkê û mirîşkê ji hekê derxistin. Padîşah tê hinda Hemed û dibêji, Hemed te çawa fehm kir di esilê wanda mirîşktî heyî? Hemed dibêji Padîşahê min dema ordek av ê vedixwin, devê xwe di av ê da dikin û têr vedixwin le belê ev ordekana weki mirîşka devê xwe di av ê da dikin û ser ê xwe bilind dikin. Pir kêfa padîşêh tê û dibêji te tê derxist û dibêji ji Hemed ra sifirakik tije goşt amade bikin û bira bixwi.

      Demik din derbas dibi, dîsa rojekê Padîşah li bazarê hespik pir xweşik dibî ni û dikiri. Disa bang Hemed dike û hespê didê, dibêje hemed vê hespa xwedî biki û ji asilê wê agahîyê bide min. Hemed hespê xwedî diki, demik çû dîsa Padîşêh gazî Hemed kir û got;Hemed ev hespa çawanî? Hemed got;esil çibe, nesil ew e. Padîşêh got hemed di esil wê de çi heyi? Hemed got padîşahê min di esilê wê da mangetî heyî.Padîşah radibi lekolînê çêdike û xwedîyê hespê dibîni, dibêji di esilê hespê da çi heyî? Merik dibêji Wellehî Padîşahê min tiştik tuneyî lê belê dema ew cehnî bû, maka wê mir min jî avêt ber mangêda û ji mangê şî vexwar. Padîşah tê hinda Hemed û dibêji, Hemed te çawa fehm kir di esilê hespê da mangetî heyî? Hemed dibêji Padîşahê min dema mêş tên ser hespa, hesp boçika xwe li badikin û mêşa di firînin le belê ew hespa weki manga serê xwe li badiki. Dîsa pir kêfa padîşêh tê û dibêji te tê derxist û dibêji ji Hemed ra sifirakik tije goşt amade bikin û bira bixwi.